赤提日常開支

minnieevergreen

liverpool2023 發表於 24-3-17 18:58
想成績好，就不是講興趣
我細的都對金庸沒興趣，只是為了成績而去看
佢甚至寧願做練習也不想看英文書

呢個我又唔太同意﹐依家新一代﹐唔係個個都好似你仔願意為成績而看﹐
好多好反叛﹐你安排佢偏唔睇既都大把。


阿女初小對閱讀興趣不大﹐不討厭﹐但唔會追書睇﹐
我也只是鼓勵佢買鍾意既書﹐
係後來學校老師有推介新雅出版既兒童文學書﹐佢就重新愛上睇書﹐慢慢睇哂全系列﹐再發掘不同的書﹐呢排開始愛上睇衛斯理同魯迅散文
英文書係呢一年佢明白真係唔睇唔得﹐才開始主動一中一英睇﹐我也唔逼佢睇得深﹐慢慢一步一步來﹐先愛上後進步吧

PTL_L

cafeva 發表於 24-3-17 19:04
好奇問下你大果間中文程度同其他學校比有無話淺D或深D?

我自己無特別比對過，因為根本唔會再有機會睇到佢啲paper不過佢中文好係由細到大都係比較突出，就算之前讀中小時，呢一科都已經跑咗出嚟，但你話同dgs spcc比呢？其實呢兩間係會教快，至於會唔會教深，我都唔知，但我只知大家如果考dse嘅話，要讀既嘢都會一樣，並唔會存在於英強中稍弱呢個情況影響到我大，因為呢個係佢本身嘅能力，當然你問我，如果去啲更高banding 嘅學校會唔會對佢學術更有幫助呢？！都係果個方向，我目標唔高，千祈唔好做狀元、榜眼（費事被電視台訪問）要登頂，學校氛圍、同濟影響係會令你小朋友想更上一層樓，又或者令到家長不停去幫小朋友追成績，但最後，我始終覺得係靠自己，非靠學校，同小朋友為咗更深學術而要更出力讀書，有更大壓力，呢樣唔合符我同豬隊友既家庭原則，我哋一直主張輕鬆讀，千祈唔好做第一，等自己永遠都有進步空間！

jenjenny

LeeCC 發表於 24-3-17 18:57
我小三四的時候都係煲晒衛斯理，煲完再煲，煲到神經質，風吹下都成個人跳起，阿媽收晒我d衛斯理，從此無再 ...

琦君有那本好睇，我見佢都係散文，好悶，有無小說？

衞斯理我舊年（P6)都迫女睇咗一本，佢話睇唔明，我自己都係愛書的人，我唔明中文書點解會睇唔明？我女好女仔，你覺得衞斯理邊套會吸引女仔睇多啲？可能今年試會得

PTL_L

cafeva 發表於 24-3-17 19:04
好奇問下你大果間中文程度同其他學校比有無話淺D或深D?

不過我見大同細兩間學校教中文都有差異，大既初中時教中文，guiding唔多，冇工作紙咁濟，靠上堂mark notes,呢個方法好啱我大嘅，冇框框框住佢，佢自己會主動睇多啲睇deep啲，不過呢，對中文唔係太主動既小朋友，咁樣係好出事，就係因為冇框框，會唔知飛咗去邊？！細既學校教中文又有問題，係太餵食，驚死佢哋唔得唔識，指引太多，變咗佢哋唔太識搵食，所以咪又出事囉！

LeeCC

jenjenny 發表於 24-3-17 20:09
琦君有那本好睇，我見佢都係散文，好悶，有無小說？

衞斯理我舊年（P6)都迫女睇咗一本，佢話睇唔明，我自 ...

我覺得老貓最好睇，其實係一個愛情故事

jenjenny

PTL_L 發表於 24-3-17 19:27
我大既小二小三係睇4大名著，跟著睇簡愛、傲慢與偏見、木馬屠城記呢類翻譯小說成個小學就係咁完，到初中， ...

你大嗰個係女？佢睇啲書同我細個睇啲書風格好似。我女都睇呢啲，但睇英文版，由Junior edition 到 youth edition 到原著一版版升級，全自動波，中文就要迫

PTL_L

jenjenny 發表於 24-3-17 20:09
琦君有那本好睇，我見佢都係散文，好悶，有無小說？

衞斯理我舊年（P6)都迫女睇咗一本，佢話睇唔明，我自 ...

我大既唔鍾意睇情情愛愛既任何書籍，佢覺得好婆媽佢鍾意科幻「山海經、新山海經、聊齋」或圍繞生活題材嘅書，例如「我們是這樣長大」，暫時只記得呢本書名，另外，可以考慮睇阿濃嘅散文，要培養興趣，要從生活環境起，因為有熟悉感。已經唔鍾意睇書，仲要一嚟衛斯理，媽媽，點搞呀？

PTL_L

jenjenny 發表於 24-3-17 20:21
你大嗰個係女？佢睇啲書同我細個睇啲書風格好似。我女都睇呢啲，但睇英文版，由Junior edition 到 youth e ...

係呀，佢到而家都係中文人，升中成績明顯中好英弱啲，所以幫佢揀嘅中學要好強英文，希望可以拉返勻初中英文要慢慢追，因為佢好唔鍾意英文，而同學真係好勁啲英文，不過因為學校氛圍，迫佢要接觸好多英文包括語境，而家兩種語言暫時見拉近咗一大步！

PTL_L

jenjenny 發表於 24-3-17 20:21
你大嗰個係女？佢睇啲書同我細個睇啲書風格好似。我女都睇呢啲，但睇英文版，由Junior edition 到 youth e ...

我要迫個大既睇英文書，係要渡佢睇harry potter,第一本買中文，想追落去？！得，第二本睇英文版，第三本又買中文版俾佢，不過呢個方法係失效，因為你有張良計佢有過牆梯，佢可以自己去圖書館借返中文版嚟睇

Rpp

Gooblovebb 發表於 24-3-17 17:58
我女小六，不過自幼鍾意睇書，所以宜家睇d書都幾大個，要去成人圖書果部分睇書。香港出嘅書方面，見佢之前 ...

有啲似我個女，專睇破懸案，推理小說。

PTL_L

liverpool2023 發表於 24-3-17 20:36
我自己當年中文幾好，但睇完衛斯理之後作文會變差，所以我都無推介我啲仔睇。我覺得都是文縐縐的好點！
...

我大既又完全無影響喎因為佢會將喜好同功課、考試分開哂，你要好靚嘅形容詞、語句，佢一樣寫到出嚟

RainyRice

很好的一個問題。謝謝大家分享這麼多好的中文書推介，其中很多我自己都很喜歡。我小朋友還在高小，都會開始慢慢嘗試你們推介的書。請問覺得陳慧 的書如何？拾香紀等會不會冇咁古老，比較現代少少？

jenjenny

PTL_L 發表於 24-3-17 20:26
係呀，佢到而家都係中文人，升中成績明顯中好英弱啲，所以幫佢揀嘅中學要好強英文，希望可以拉返勻:igiveup ...

我女最怕散文，阿濃悶死佢，佢鐘意小說，最好就係好似marvel電影果啲，言情都免強得

cafeva

jenjenny 發表於 24-3-17 20:21
你大嗰個係女？佢睇啲書同我細個睇啲書風格好似。我女都睇呢啲，但睇英文版，由Junior edition 到 youth e ...

你女英文咁好點解仲要補習？

PTL_L

jenjenny 發表於 24-3-17 21:02
我女最怕散文，阿濃悶死佢，佢鐘意小說，最好就係好似marvel電影果啲，言情都免強得
...

我哋多數由生活環境出發，我同隊友好鍾意舊同老嘅嘢，所以個囡好受隊友影響，鍾情80/90年代，基本上佢會好想知我哋以前係點成長，所以除科幻、推理小說外，就係舊時既記載，例如九龍圍城！

PTL_L

liverpool2023 發表於 24-3-17 21:04
你大女學校中文出名淺嘛！

淺，係佢學校教得輕鬆，唔代表我囡既能力只可以話，起dgs spcc呢類學校會有唔少我囡嘅能力嘅小朋友。不過大家一樣考dse啫，佢學校嘅paper已經係跟dse form,所以出嚟既成績已經唔關學校教得深淺事喇！

jenjenny

cafeva 發表於 24-3-17 21:04
你女英文咁好點解仲要補習？

英作，因為我哋係中小，英作程度太低，而家學校小學部升上來的同學英文真係出口成章，我女對自己英文要求好高，低少少分都唔開心，所以想提升下寫作技巧